"რეალს" ორი ტრავმირებული ფეხბურთელი, დავიდ ალაბა და არდა გიულერი ლაზარეთიდან დაუბრუნდა.
სავარაუდოდ, ავსტრიელსაც და თურქსაც 21 ოქტომბერს, ლა ლიგის მე-10 ტურში, "სევილიასთან" დაპირისპირებაში თამაში შეეძლებათ.
ალაბამ ტრავმა სექტემბრის ბოლოს მიიღო და ამის შემდეგ უქმობდა, ახალგაზრდა თურქი კი მიმდინარე სეზონში დაზიანების გამო მოედანზე არ გამოჩენილა. 18 წლის ფეხბურთელი "სამეფო გუნდში" მიმდინარე ზაფხულში გადავიდა და დებიუტი ჯერჯერობით არ ჰქონია.