ბორჯღალოსნების ახალგაზრდა მორაგბე დავით ნინიაშვილი 2023 წლის მსოფლიო ჩემპიონატის ჯგუფური ეტაპის სიმბოლურ გუნდში მოხვდა.
ცნობილმა გამოცემამ Opta-მ, 21 წლის სპორტსმენი გამოარჩია და ნინიაშვილი ფულბეკის პოზიციაზე საუკეთესოდ დაასახელა.
ახალგაზრდა უკანახაზელი მსოფლიო თასის ოთხივე მატჩის სასტარტო შემადგენლობაში იყო. ფიჯისთან დავითმა 2 ჯარიმა გაიტანა, უელსისთან ლამაზი ლელო შემოგვთავაზა და საერთო ჯამში, ძალიან კარგად გამოიყურებოდა და შეგვიძლია ვთქვათ, რომ მსოფლიოზე ნაკრების რიგებში საუკეთესო იყო.
სიმბოლურ ნაკრებში ყველაზე მეტი წარმომადგენელი ირლანდიასა და საფრანგეთს ჰყავთ 3-3. ორი მორაგბე წარმოადგენს პორტუგალიას, თითო კი – საქართველოს, ახალ ზელანდიას, ავსტრალიას, ტონგას, სამოას, არგენტინასა და იტალიას.
აქვე შეგახსენებთ, რომ ბორჯღალოსნებმა მსოფლიო თასზე ზედიზედ მეექვსედ ითამაშეს და 2003 წლის შემდეგ (სადებიუტო გამოსვლა), შეჯიბრი მოგების გარეშე პირველად დაასრულეს.
ლევან მაისაშვილის ბიჭები ავსტრალიასთან (15:35), ფიჯისთანა (12:17) და უელსთან (19:43) დამარცხდნენ, ხოლო პორტუგალიასთან ფრედ 18:18 ითამაშეს.
XV - Here is the Team of the Pool Stage for #RWC2023 based on the Opta Index, 10 nations are represented in the line-up and @IrishRugby's Bundee Aki is the top ranked player. Selection. pic.twitter.com/us8656cmlF
— OptaJonny (@OptaJonny) October 9, 2023