ჩემპიონთა ლიგის ჯგუფური ეტაპის მეორე შეხვედრაში "ნიუკასლმა" "პსჟ" გაანადგურა, 4-1.
შეხვედრის შემდეგ პარიზელების თავკაცმა, ლუის ენრიკემ განაცხადა, რომ შედეგი სამართლიანი იყო, თუმცა ანგარიში - შეუსაბამო:
"პირველ რიგში ვიტყვი, რომ ამ მარცხზე პასუხისმგებელი მე ვარ, ფეხბურთელების ბრალი არაფერი ყოფილა, მათი დამოკიდებულებით კმაყოფილი ვარ.
ვფიქრობ, რომ შეხვედრის შედეგი სამართლიანია, მაგრამ ანგარიში - შეუსაბამო. კმაყოფილი ვარ, რაც ამ ჩემპიონთა ლიგაზე გავაკეთეთ, ჯგუფში მეორე ადგილზე ვართ.
ვულოცავ "ნიუკასლს", მათ ბრწყინვალედ ითამაშეს, მაგრამ კიდევ ერთხელ ვიტყვი, რომ ანგარიში გუნდებს შორის სხვაობას არ ასახავს."