ჩემპიონთა ლიგის მეორე ტურში დონეცკის „შახტარი“ „ანტვერპენს“ ესტუმრა და მძიმე ბრძოლაში 3:2 დაამარცხა.
აღნიშნული გამარჯვების შემდეგ, უკრაინულ გუნდს სატურნირო ცხრილში 3 ქულა დაუგროვდა და
მერვედფინალის საგზურისთვის ბრძოლაში დარჩა. შემდეგ ტურში, „შახტარი“ „ბარსელონას“ დაუპირისპირდება.
ძირითად შემადგენლობაში ვიხილეთ უკრაინელთა ქართველი მცველი ირაკლი აზაროვი, რომელსაც კარგი მატჩი ჰქონდა.
შეხვედრის დასრულების შემდეგ, Sofascore-მა ქართველ ფეხბურთელს საკმაოდ შეფასება 7.1 დაუწერა, რაც გუნდში მესამე საუკეთესო შედეგია, ნაზარინას და რაკიტსკის შემდეგ.
ცნობისთვის, "შახტარის" მოთამაშე მეორე ქართველმა, გიორგი გოჩოლეიშვილმა მთელი მატჩი სათადარიგოთა სკამზე გაატარა.