როგორც უკვე ცნობილი გახდა, "ბარსელონას" ბრაზილიელი გარემარბი რაფინია გამოაკლდა. კატალონიური კლუბის პრესსამსახურის ცნობით, ბრაზილიელ ფეხბურთელს მარჯვენა ბარძაყის ტრავმა დაუდგინდა.
რაფინიამ დაზიანება სევილიასთან ლა ლიგის მე-8 ტურის შეხვედრის დროს მიიღო. ის პირველ ტაიმში შეცვალეს, მის ნაცვლად კი მოედანზე ფერმინ ლოპეს მარტინი გავიდა. ბარსელონამ ის თამაში სერხიო რამოსის ავტოგოლის წყალობით, ანგარიშით 1:0 მოიგო.
მედიის ცნობით, რაფინია გუნდს შესაძლოა სანაკრებო პაუზის შემდეგ დაუბრუნდეს.
"ბარსელონას" ესპანეთის ჩემპიონატში ჩატარებული 8 ტურის შემდეგ, 20 ქულა აქვს და პირველ პოზიციას იკავებს.