იტალიის სერია A-ს მე-6 ტურის შეხვედრაში ტორინო გასვლაზე ლაციოს დაუპირისპირდა და 2:0 დამარცხდა.
აღნიშნულ შეხვედრაში ქართველი მცველის, საბა საზონოვის დებიუტი შედგა, რომელმაც 27-ე წუთზე ალესანდრო ბონჯორნო შეცვალა - 21 წლის საზონოვმა მოედანზე 64 წუთი გაატარა და La Gazzetta dello Sport-სგან შეფასების სახით 6.5 ქულა დაიმსახურა, რაც ტორინოს ფეხბურთელებს შორის ყველაზე მაღალი შედეგია.
"21 წლის ფეხბურთელს სერია A-ში დებიუტი ჰქონდა და ეს ბიჭი კერკეტი კაკალი აღმოჩნდა იმობილესთვის. ახალბედას არავითარი შიშის გრძნობა ან მორიდება არ ჰქონია. მან იტალიის ნაკრების ძირითად თავდამსხმელს ერთხელაც კი არ მისცა კარში დარტყმის საშუალება", - წერს გამოცემა.