ლა ლიგის მორიგ ტურში გიორგი მამარდაშვილის "ვალენსია" "ალმერიას" დაუპირისპირდა და უხვგოლიან მატჩში ფრედ, 2-2 ითამაშა.
მიუხედავად 2 გაშვებული გოლისა, მამარდაშვილი "ღამურების" შემადგენლობაში ცალსახად საუკეთესო იყო - ქართველის ანგარიშზე 8 სეივი იყო, საიდანაც რამდენიმე ძალიან რთულად შესასრულებელი და მნიშვნელოვანი გახლდათ.
ქართველის თამაში უყურადღებოდ არ დატოვებულა ევროპულ პრესაში:
"გიორგი მამარდაშვილი "ვალენსიას" მხსნელად მოგვევლინა. მას რამდენიმე უმნიშვნელოვანესი და ურთულესი სეივი ჰქონდა, საბოლოო ჯამში კი გიორგის ფაქტორი "ვალენსიას" ძალიან დაეხმარა ქულის აღებაში", - As.
"ვალენსიამ მარცხი მამარდაშვილის ბრწყინვალე შეხვედრის წყალობით აირიდა. გუშინ საღამოს გიორგი ფენომენალური იყო", - L’Equipe.