თემურ ქეცბაიას ყოფილმა გუნდელმა "ნიუკასლში", სტივ ჰოუიმ, ქართველი ექს-ფეხბურთელის შესახებ უცნობი და საინტერესო ისტორია გაიხსენა.
როდესაც "კაჭკაჭები" რუდ გულიტმა ჩაიბარა, ფეხბურთელები ფეინთბოლის სათამაშოდ წავიდნენ. ჰოუი ამბობს, რომ ქეცბაია მის მოწინააღმდეგე გუნდში აღმოჩნდა:
"ორ გუნდად გავიყავით და დავიმალეთ. ყველაფერი მორჩა, თუმცა თემურის პოვნა მაინც ვერ შევძელით, ის კომუფლიაჟის ნამდვილი ექსპერტი აღმოჩნდა.
უკან ვბრუნდებოდით, თამაში დასრულებული იყო, როდესაც ხეებიდან ქეცბაია ჟან-კლოდ ვან დამივით გადმოხტა და დაიყვირა - "მოკვდით, ინგლისელო ღორებო". ყველა ვეუბნებოდით, რომ თამაში მორჩა, თუმცა ქეცბაიამ გვიპასუხა, რომ დასრულებული არაფერი იყო და რუდ გულიტს ეძებდა, რათა მისთვისაც ესროლა.
ქართველები ემოციური და ფიცხი ხალხია", - განაცხადა სტივ ჰოუიმ.