ცნობილია - რატომ ჩაიშალა ბელინგემის "პსჟ"-ში ტრანსფერი

17-09-2023, 22:41

Aa Aa

გაზიარება:

ჯუდ ბელინგემი ზაფხულის სატრანსფერო ფანჯარაზე მადრიდის "რეალში" გადავიდა და მისი ტრანსფერი ერთ-ერთი საუკეთესო გამოდგა.

Le Parisien იტყობინება, რომ იქამდე ინგლისელი ნახევარმცველი "პსჟ"-ში გადასვლასთან იყო ახლოს. როგორც ირკვევა, ფეხბურთელის წარმომადგენლები კლუბს დაუკავშირდნენ და ტრანსფერის შესაძლებლობაზე ჰქონდათ მოლაპარაკებები, თუმცა, საბოლოოდ, პარიზულმა გუნდმა ბელინგემზე თავად თქვა უარი.

საქმე ისაა, რომ "პსჟ"-მ ბელინგემის ნაცვლად ფსონი უორენ-ზაირე ემერიზე დადეს, რის გამოც ჯუდის გადმოყვანა გადაიფიქრეს.

როგორც ირკვევა, "პსჟ"-ს ხელმძღვანელობამ ჩათვალა, რომ ემერის სახით ბელინგემის დონესთან მიახლოებული ფეხბურთელი გუნდს უკვე ჰყავდა, ამიტომ ზაირეს განვითარების შანსი მისცეს.

საბოლოოდ, ჯუდი 106 მილიონი ევროს სანაცვლოდ "სამეფო კლუბში" ჩაირიცხა.