სხვადასხვა ინგლისური მედიის ინფორმაციით, "ნიუკასლის" 25 წლის გარემარბი ჰარვი ბარნსი მოქალაქეობის შეცვლასა და შოტლანდიის ნაკრებში თამაშს გეგმავს.
ფეხბურთელი იმედგაცრუებულია იმით, რომ ის 2022 წლის მუნდიალისთვის ინგლისელთა გაფართოებულ სიაში ვერ მოხვდა და ასევე უკმაყოფილოა, რომ ინგლისის ნაკრების მწვრთნელი ნდობას არ უცხადებს.
ბარნსის ბებია და ბაბუა შოტლანდიელები არიან, ამის გამო მას მოქალაქეობის შეცვლა უპრობლემოდ შეუძლია.
შოტლანდიის ეროვნული ნაკრები თბილისს 16 ნოემბერს ეწვევა და საქართველოს ეროვნულ ნაკრებს დაუპირისპირდება.