ცოტა ხნის წინ "ნაპოლიმ" სოციალურ ქსელში საკმაოდ უცნაური და არასასიამოვნო განცხადება გაავრცელა.
იტალიურმა კლუბმა ყველანაირ ინფორმაციას სისულელე უწოდა, იმის შესახებ, რომ გუნდი ცდილობს ხვიჩა კვარაცხელიასთან ახალი კონტრაქტის საკითხზე შეთანხმებას მიაღწიოს.
"ზოგიერთი მედია, რომლის წყაროც მხოლოდ აგენტები არიან, კვლავ აგრძელებს საუბარს, რომ ნაპოლი მოლაპარაკებებს კვარაცხელიასთან ახალი კონტრაქტის საკითხზე აწარმოებს, რაც სრული სისულელეა!
კვარაცხელიასთან, რომელსაც კლუბთან კიდევ 4-წლიანი კონტრაქტი აკავშირებს, ნაპოლის მხრიდან არავის უსაუბრია. არც აურელიო დე ლაურენტისს და არც გუნდის სხვა დირექტორებს"