საქართელოს ნაკრების და ფრანგული მეცის შემტევი გიორგი მიქაუტაძე კარიერას აიაქსში გააგრძელებს - ინფორმაციას ამის თაობაზე Geo Team ავრცელებს.
წყაროს მტკიცებით, ქართველი ფორვარდი ამსტერდამში დღეს გაფრინდება, სამედიცინო შემოწმება კი ხვალ, 29 აგვისტოსთვისაა ჩანიშნული.
ცნობისთვის, მიქაუტაძემ მეცის ლიგა 2-იდან პირველ ლიგაში გადმოსვლაში უდიდესი როლი ითამაშა, საფრანგეთის ლიგა 2-ის ბომბარდირი გახდა - ახალ სეზონში კი 3 თამაშში 2 გოლი და 1 საგოლე გადაცემა მიითვალა.