'ვიცით, როგორ ვეთამაშოთ' - თორნიკე შენგელია კაბო ვერდესთან მატჩის წინ

ხვალ, საქართველოს საკალათბურთო ნაკრები ისტორიაში პირველად მსოფლიო ჩემპიონატზე იასპარეზებს. ილია ზუროსის ბიჭების პირველი მეტოქე კაბო ვერდე იქნება.

მატჩამდე ერთი დღით ადრე მედიასთან კომენტარი ჯვაროსნების კაპიტანმა, თორნიკე შენგელიამ გააკეთა, რომელმაც განაცხადა, რომ საქართველო ხვალინდელი მატჩის ფავორიტია და მოსაგებად ყველაფერს გააკეთებს.

"ოკინავაზე უმნიშვნელოვანესი შეხვედრები გველის. ქაღალდზე ჩვენ კაბო ვერდესთან ფავორიტები ვართ, სლოვენიასთან მატჩში კი უპირატესობას ბალკანელებს ანიჭებენ. თუმცა, ეს ბევრს არ ნიშნავს – მთავარია, ჩვენ ვაჩვენოთ, რა შეგვიძლია. კაბო ვერდე სუსტი ოპონენტია არაა, მაგრამ თუკი მწვრთნელის დასახულ გეგმას მივყვებით, მიზანს მივაღწევთ.

სლოვენიელთა ლიდერი ლუკა დონჩიჩია, თუმცა ბალკანელებს შემადგენლობაში სხვა მაღალი კლასის მოთამაშეებიც ჰყავთ. მითამაშია სლოვენიელი კალათბურთელების მხარდამხარ, სლოვენიელი მწვრთნელიც მყოლია… დონჩიჩის განეიტრალებას რაც შეეხება, ამას ან პერსონალურად, ან კოლექტიური დაცვით შევეცდებით.