8 წლიანი პაუზის შემდეგ, დღეს ლიგა 1-ში ქართველ ფეხბურთელს ვიხილავთ - ეროვნული ნაკრების ფორვარდის, გიორგი მიქაუტაძის მეცი თავის პირველ შეხვედრას საფრანგეთის უმაღლეს ჩემპიონატში რენის წინააღმდეგ გამართავს.
ეს მართლაც ისტორიული დღეა, რომელსაც მთელი საქართველო ასე ელოდა. მიქაუტაძემ ლიგა 2-ში თავის გუნდთან ერთად ყველაფერი გააკეთა, რათა მეცი უმაღლეს ლიგაში ამოეყვანა და ქართული ფეხბურთის ისტორიის ახალი ფურცელი დაეწერა.
ამ დრომდე ლიგა 1-ში სულ 4 ქართველს ჰქონდა ნათამაშები - ოთარ დონდუას (1945-48) ; გია გურულის (1992-94) ; გიორგი მაკარიძეს (2009-10) და ლეგენდარულ ჯაბა კანკავას, რომელიც 2015-16 წლებში რეიმსის რიგებში ირიცხებოდა. ამ სიას კი დღეს ოფიციალურად მიქაუტაძეც შეუერთდება.