"ზუსტად ვიცი, რომ ორივე ნანობს, ხვიჩაც და გიორგიც" - აჩი არველაძე ევროპის ჩემპიონატზე

17-07-2023, 12:45

Aa Aa

გაზიარება:

ტელეკომპანია იმედს სტუმრობდა ვეტერანი ქართველი ფეხბურთელი აჩი არველაძე, რომელმაც ხვიჩა კვარაცხელიასა და გიორგი მიქაუტაძის შესახებ კომენტარი გააკეთა და ის გადაწყვეტილება შეაფასა, რომელიც მათ ევროპის ჩემპიონატთან დაკავშირებით მიიღეს:

"დარწმუნებული ვარ, რომ ახლა ორივე ნანობს ნაკრებში თამაშის შანსის ხელიდან გაშვებას. ერთი მხრივ, მესმის მათი და ისიც მესმის, რომ ურთულესი გრაფიკის შემდეგ მოუწიათ თამაში, თუმცა მათი გამოჩენა ნაკრებს ძალიან წაადგებოდა. გულშემატკივარს რომ მათი დანაკლისის გამო გული ეტკინა, ამაში გასაკვირი არაფერია."

"ვფიქრობ, რომ გუნდურად კარგად ვითამაშეთ, თუმცა შეტევაში მეტი ეფექტურობა გვჭირდებოდა." - თქვა აჩი არველაძემ

შეგახსენებთ, რომ საქართველოს 21-წლამდე ნაკრებმა ევროპის ჩემპიონატზე ასპარეზობა 1/4 ფინალში დაასრულა, სადაც პენალტების სერიაში ისრაელის ნაკრების წინააღმდეგ დამარცხდა.