"პორტუგალია ტურნირის ერთ-ერთი ფავორიტია, მაგრამ.." - რამაზ სვანაძისა და ანზორ მექვაბიშვილის კომენტარები

21-წლამდე ევროპის ჩემპიონატი სტარტს დღეს ოფიციალურად აიღებს, ჩვენი გუნდი კი პირველ შეხვედრას დინამო არენაზე პორტუგალიის წინააღმდეგ გამართავს, მატჩი 20:00 საათზეა ჩანიშნული.

იქამდე კი გთავაზობთ საქართველოს ასაკობრივი ნაკრების დამრიგებლის, რამაზ სვანაძისა და ჩვენი გუნდის კაპიტნის, ანზორ მექვაბიშვილის კომენტარებს:

რამაზ სვანაძე

"თითქმის ორი კვირაა შეკრებაზე ვართ და ვფიქრობ საკმაოდ ნაყოფიერი შეკრება გამოგვივიდა, პლუს კვიპროსთან თამაშით. მოწინააღმდეგეს რაც შეეხება, პორტუგალია ძალიან კარგი, ტექნიკური გუნდია, ერთ-ერთი ფავორიტია ამ ტურნირის, მაგრამ ჩვენ გვაქვს ჩვენი გეგმები, ჩვენი მიზნები, მასპინძლები ვართ და სახლში ვთამაშობთ - როგორც ტურნირის დებიუტანტის პრიზმიდან თუ შევხედავთ ამ ყველაფერს რა თქმა უნდა რთული იქნება, მაგრამ ამავე დროს ჩვენ გვეძლევა ძალიან დიდი შანსი იმის, რომ წარმოვაჩინოთ საკუთარი თავი, წარმოვაჩინოთ საკუთარი ფეხბურთი."

"ის მოლოდინები, რომლებიც ჩვენ ორი წლის წინ გვქონდა არსად არ წასულა და მე დარწმუნებული ვარ თამაშის მოახლოებასთან ერთად კიდევ უფრო გამძაფრდება და ჩემი დიდი სურვილია არის ის, რომ გვქონდეს ის სახე, რაც ჩვენ მიერ ჩატარებულ უმეტესობა თამაშებში გვქონდა და გვახასიათებდა. ჩემთვის, როგორც მწვრთნელისთვის უდიდესი მნიშვნელობა აქვს, რომ გუნდმა ხვალ თავისი თამაში ითამაშოს."

ანზორ მექვაბიშვილი

"ტრავმას რაც შეეხება მოვირჩინე და ვფიქრობ, რომ ოპტიმალურ ფორმაში ვარ. არაფერი აღარ მაწუხებს და ხვალინდელ მატჩს დიდი მოლოდინით ველი."

"ხვალ, მაყურებელის წინაშე კარგი მატჩი უნდა ჩავატაროთ. პორტუგალია რა თქმა უნდა ძლიერი გუნდია მაგრამ ჩვენ გვაქვს ჩვენი სახე, ჩვენი სტილი და ვეცდებით, რომ ეს ხვალ მაყურებელს და მთელ მსოფლიოს დავანახოთ."