რამდენიმე საათის წინ, ფაბრიციო რომანომ დაწერა, რომ ლივერპულს მისი გვინეელი ნახევარმცველი ნაბი კეიტა ტოვებს, რომელიც სათამაშოდ გერმანიაში, კერძოდ ვერდერ ბრემენში მიდის:
"ნაბი კეიტა ლივერპულს თავისუფალი აგენტის სტატუსით ტოვებს და მან უკვე გადაწყვიტა, რომ ვერდერ ბრემენს შეუერთდეს."
"გვინეელმა ფეხბურთელმა ახალ კლუბთან ერთად სამედიცინო შემოწმება თითქმის დაასრულა და მისი კონტრაქტი 2026 წლის ივნისამდე გაფორმდება." - დაწერა ჟურნალისტმა
ცნობისთვის, აფრიკელ მოთამაშეს ბუნდესლიგაში აქამდეც უთამაშია და ეს მისი დებიუტი არ იქნება. ნაბი 2016-2018 წლებში ლაიფციგის შემადგენლობაში თამაშობდა.