ხვიჩა კვარაცხელიას ნაპოლიმ სკუდეტო მარადონაზე ოფიციალურად აღმართა და ჩემპიონობის ეს განსაკუთრებული ციკლიც ოფიციალურად დაიხურა. რასაკვირველია, გუნდის ტრიუმფში ქართველ ფეხბურთელს უდიდესი როლი ჰქონდა, რაც მას MVP-ის ტიტულით დაუფასდა.
აი, რას ამბობდა აურელიო დე ლაურენტისი სეზონის დასაწყისში ხვიჩა კვარაცხელიას დინამო ბათუმიდან შეძენასთან დაკავშირებით:
"ხვიჩა კვარაცხელია უკვე ჩვენი ახალი ფეხბურთელია და იმედი მაქვს, რომ ნაპოლისთვის დიდი ტრანსფერი განვახორციელე."
"მისი გვარი? - დიახ, ის იოლად ნამდვილად არ წარმოითქმის, თუმცა რამის დარქმევას მოვახერხებთ. იქნებ ძიძი? არ ვიცი, რაღაცას აუცილებლად დავუძახებთ." - ამბობდა ნაპოლის პრეზიდენტი
ალბათ, აურელიო დე ლაურენტისს მაშინ წარმოდგენაც კი არ ჰქონდა იმის შესახებ, რომ სეზონის საუკეთესო ფეხბურთელსა და ევროპის ერთ-ერთ საუკეთესო ტალანტს ყიდულობდა..