საქართველოს ეროვნული ნაკრებისა და მეცის თავდამსხმელი გიორგი მიქაუტაძე საფრანგეთის ლიგა 2-ში ფანტასტიკურ სეზონს ფანტასტიკურადვე აგრძელებს.
აღსანიშნავია, რომ მეცის ფორვარდი საფრანგეთის რანგით მეორე დივიზიონის ტურის სიმბოლურ თერთმეტეულში ზედიზედ მეხუთედ მოხვდა!
გიორგი მიქაუტაძის მეცი ლიგა 2-ის 35-ე ტურში გრენობლს შეხვდა და მეტოქე მინიმალური სხვაობით, 1:0 დაამარცხა. საგულისხმოა, რომ მასპინძელთა ერთადერთი გოლისას მოხდენილი საგოლე პასი სწორედ ქართველმა ფეხბურთელმა შეასრულა.
ცნობისთვის, საქართველოს ნაკრების შემტევს ლიგა 2-ის 34 თამაშში 22 გოლი და 8 საგოლე პასი აქვს მითვლილი, რომლითაც ბომბარდირთა დავას ერთპიროვნულად ლიდერობს.
აქვე გეტყვით იმასაც, რომ გიორგი მიქაუტაძეს საფრანგეთის რანგით მეორე დივიზიონის საუკეთესო ფეხბურთელობის შესანიშნავი შანსები აქვს.