ლიონელ მესისთან დაკავშირებით სატრანსფერო სიახლეებს ბოლო არ უჩანს, არგენტინელ ვარსკვლავს კარიერის გაგრძელების 3 რეალური ვარიანტი აქვს.
პირველ რიგში, მას შეუძლია, რომ პარი სენ-ჟერმენში დარჩეს და კონტრაქტი გაახანგრძლივოს. რაც შეეხება მეორე ვარიანტს, ის ყოფილ კლუბში, ბარსელონაში დაბრუნებას და 2 წლიანი კონტრაქტის გაფორმებას გულისხმობს.
ლეო მესის მესამე ვარიანტი არაბეთის ლიგაში კრიშტიანუ რონალდუსთან ერთად თამაშია, ოღონდ არა ალ-ნასრში, არამედ ალ-ჰილალში, რომელიც მესის საოცარ ხელფასს სთავაზობს.
როგორც უცხოურ მედიაში იწერება, ალ-ჰილალი მზადაა, რომ ლეო მესის წლიურად 400 მილიონი ევრო გადაუხადოს, რაც დანაწევრებით ასე გამოიყურება:
წამში - 12.7 ევრო | წუთში - 761 ევრო | საათში - 45 662 ევრო | დღეში - 1.1 მილიონი ევრო