ატალანტას მცველმა, ჯორჯო სკალვინიმ ხვიჩა კვარაცხელიაზე ისაუბრა და ის კონკრეტული გოლი გაიხსენა, რომელიც კვარამ ბერგამოელებს 2-0 მოგებულ შეხვედრაში გაუტანა:
"ხვიჩა ჩემს ფლანგზე არ თამაშობდა, საპირისპიროზე იყო, თუმცა შორიდანაც ვხედავდი იმას, რომ მას ბურთისთვის მიმართულების შეცვლა ელვისებური სისწრაფით შეუძლია, რის გამოც ლიგაში ერთ-ერთი საუკეთესოა."
"ერთ კონკრეტულ მომენტში ყველა მცველმა ვიფიქრეთ, რომ დარტყმას აპირებდა და ბურთის დაფარვა ვცადეთ, თუმცა მორიგი ცრუ მოძრაობა გააკეთა და გოლი გაგვიტანა, მისი შეჩერება ძალიან რთულია." - თქვა სკალვინიმ
შეგახსენებთ, რომ ხვიჩა კვარაცხელიამ ნაპოლიში ამ დრომდე 37 მატჩი გამართა, რა დროშიც 14 გოლი გაიტანა და ამდენივე საგოლე პასი მიითვალა.