ინგლისის პრემიერ ლიგის 33-ე ტურის ცენტრალური მატჩი გაიმართება, ერთმანეთს “არსენალი” და “მანჩესტერ სიტი” დაუპირისპირდებიან. აღნიშნული მატჩი შესაძლოა, რომ ჩემპიონობისთვის ბრძოლაში გადამწყვეტი აღმოჩნდეს. ლონდონელები ცხრილში 5 ქულით წინ არიან, თუმცა ქალაქელებს ორი მატჩით ნაკლები აქვთ ჩატარებული.
დღევანდელი შეხვედრის წინ “მეთოფეთა” მთავარმა მწვრთნელმა, მიკელ არტეტამ “მანჩესტერ სიტის” ლიდერის, ერლინგ ჰოლანდის შეჩერების გზა გაამხილა:
“ჰალანდის შესაჩერებლად საუკეთესო გეგმა არის მისთვის ბურთის მიცემის შეწყვეტა. ეს ალბათ ერთადერთი გამოსავალია.”
დღევანდელი მატჩი 23:00-ზე დაიწყება.