იტალიის საკალათბურთო სერია A-ში “ვირტუს ბოლონიამ” შინ “ტრენტოს” უმასპინძლა და სოლიდური სხვაობით, ანგარიშით 96:80 სძლია.
საქართველოს ნაკრების კაპიტანი, თორნიკე შენგელია ერთ-ერთი საუკეთესო იყო. მან მოედანზე 26 წუთი დაჰყო, რა დროშიც შემდეგნაირი მაჩვენებლები დააფიქსირა - 12 ქულა, 9 შედეგიანი გადაცემა, 4 მოხსნა, 1 ჯარიმა. შენგელია ორივე გუნდის რიგებში თავისი სტატისტიკით მეორე საუკეთესო კალათბურთელი გახლდათ.
ამ დროისთვის “ვირტუს ბოლონია” 20 მოგებითა და 6 მარცხით პირველ ადგილს იკავებს.