გამოისყიდის თუ არა ბორდო ზურიკო დავითაშვილს? - ეს ის კითხვაა, რომელსაც ფრანგი ჟურნალისტი სახელად ვენსან რომენი სოციალურ ქსელში პასუხობს:
"ბორდო სეზონის ბოლოს ქართველ ფეხბურთელს დანამდვილებით გამოისყიდის განურჩევლად იმისა თუ რომელ ლიგაში იასპარეზებს გუნდი გაისად, ლიგა 2-სა თუ ერთში."
"ფრანგული კლუბი დინამო ბათუმს დავითაშვილის სანაცვლოდ 1.25 მილიონ ევროს გადაუხდის და ქართველ ნახევარმცველთან ახალ ხელშეკრულებას გააფორმებს, რომლის წინასწარი პირობებიც ზურიკოს წარმომადგენლებთან უკვე შეთანხმებულია.", - წერს ჟურნალისტი
შეგახსენებთ, რომ ზურიკო დავითაშვილმა ბორდოს მაისურით 24 მატჩი გამართა, 3 გოლი გაიტანა და 1 საგოლე პასი მიითვალა.