ნეაპოლური კლუბის ყოფილმა ფეხბურთელმა, ჯანფრანკო ძოლამ აღნიშნა, რომ მილანის მხრიდან ნაპოლის 4:0 განადგურება ამ გუნდებს შორის რეალურ სურათს არ ასახავს და ჩემპიონთა ლიგაში სხვა თამაშს უნდა ველოდოთ:
"მიუხედავად იმისა, რომ ნაპოლი სერია A-ში მილანთან დიდი ანგარიშით დამარცხდა, მაინც ვფიქრობ, რომ ჩემპიონთა ლიგის ეგიდით სხვა ტიპის შეხვედრას ვიხილავთ, სადაც სპალეტის გუნდს კარგი შანსები ექნება."
სხვათაშორის, ძოლამ იმასაც გაუსვა ხაზი, რომ 1/4 ფინალში იტალიური გუნდების სიმრავლე თავად იტალიური ფეხბურთის განვითარებას არ ნიშნავს:
"ჩემი აზრით, ჩემპიონთა ლიგის ამ ეტაპზე იტალიური კლუბების რაოდენობა ქვეყნის ფეხბურთს არ ავითარებს. ამას მაშინ ვიტყვი, როდესაც ესპანეთიდან, ინგლისიდან და სხვა წამყვანი ჩემპიონატებიდან ვარსკვლავების მოზიდვას შევძლებთ." - თქვა ძოლამ