რუსი ჟურნალისტები საქართველოს ეროვნული ნაკრებისა და ნაპოლის ფეხბურთელის, ხვიჩა კვარაცხელიას მიმართ აღფრთოვანებას ვეღარ მალავენ.
მათი სპორტული არხი, კერძოდ "Match TV" ქართველი შემტევის მიერ სერია A-ში, ერთ სეზონში თვის საუკეთესო მოთამაშის ტიტულის სამჯერ მოპოვებას შემდეგნაირად ეხმაურება:
"ხვიჩა სერია A-ში სულ ახლახანს შეფრინდა და უკვე უნიკალური რეკორდი დაამყარა, მან იტალიის ჩემპიონატის ერთ სეზონში თვის საუკეთესოს ჯილდო 3-ჯერ მოიპოვა, თანაც წინ კიდევ 11 ტურია."
"კვარაცხელიას მიღწევები წარმოუდგენელი და განსაცვიფრებელია. რთულია, რომ მისი გენიით არ მოიხიბლო! ყველამ ერთად ვიყვიროთ, კვა-რა-დო-ნა!" - წერია მათ ოფიციალურ გვერდზე