34 წლის ასაკში მესუთ იოზილმა პროფესიონალური საფეხბურთო კარიერის დასრულების გადაწყვეტილება მიიღო.
"მქონდა პრივილეგია, რომ პროფესიონალი ფეხბურთელი 17 წლის განმავლობაში ვყოფილიყავი და ამ შესაძლებლობისთვის უზომოდ მადლიერი ვარ. ბოლო კვირების განმავლობაში ტრავმებმა დამანახა, რომ საფეხბურთო დიდი სცენის დატოვების დრო იყო", - განაცხადა გერმანელმა ფეხბურთელმა.
ცნობისთვის, მესუთ იოზილი ფეხბურთის ისტორიაში ერთადერთი მოთამაშეა, ვინც პრემიერ ლიგის, ბუნდესლიგის, ლა ლიგის, ჩემპიონთა ლიგის, ევროპა ლიგის, ევროპის ჩემპიონატის და მსოფლიო ჩემპიონატის საუკეთესო ასისტენტი გახდა.