"კვარაცხელია სევილიასთან ახლოს იყო, თუმცა მონჩიმ მასზე უარი თქვა" - Diario de Sevilla

25-03-2023, 19:30

Aa Aa

გაზიარება:

ალბათ, ხვალამდე არ გვეყოფა დრო ყველა იმ კლუბის გასახსენებლად, რომელიც ხვიჩა კვარაცხელიას აკვირდებოდა, თუმცა მის შესაძენად გამბედავი ნაბიჯი ვერ გადადგა.

როგორც Diario de Sevilla-სგან ვიგებთ, ანდალუსიურ კლუბსაც ზუსტად იგივე გზა გაუვლია, თუმცა მათმა სპორტულმა დირექტორმა მონჩიმ ქართველის სევილიაში ტრანსფერს ვეტო დაადო:

"ეს ბიჭი დღევანდელი ფეხბურთის გამორჩეული წევრია, მას თვით დიეგო არმანდო მარადონას ადარებენ. მას შეუძლია, რომ ნაპოლი იტალიის ჩემპიონი გახადოს, თანაც იმ მწვრთნელის ქვეშ, რომელიც მონჩის ყოველთვის მოსწონდა."

"აღსანიშნავია, რომ კვარადონა სევილიში გადასვლასთან ძალიან ახლოს იყო, თუმცა მონჩიმ ამავე ტრანსფერში სარგებელი ვერ დაინახა და ქართველი ტალანტი ხელიდან დაუსხლტდა." - წერს ესპანური ვებგვერდი