საქართველოს ეროვნული ნაკრებისა და “მეცის” ფეხბურთელი, გიორგი მიქაუტაძე შესანიშნავ ფორმაშია. მან “ანესთან” დუბლი შეასრულა და საგოლე გადაცემაც მიითვალა. ჟორჟს ლიგა 2-ის მიმდინარე სეზონში უკვე 14 გოლი მოუგროვდა.
აღსანიშნავია, რომ გიორგი ლიგა 2-ის მიმდინარე ტურის საუკეთესოებს შორის მოხვდა. როგორც ფრანგული გამოცემა orange.fr წერს, გიორგი სამ საუკეთესო ფეხბურთელს შორისაა:
”როგორც არ უნდა გვინდოდეს, შეუძლებელია, ქართველი ფეხბურთელი ტურის საუკეთესოთა შორის ზედიზედ მეორედ არ დავასახელოთ. ანესთან გაფორმებული საუცხოო დუბლის ავტორი საუკეთესო ბომბარდირთა სიაში პირველ ადგილს დაუბრუნდა და მეცი მეორე ადგილთან მიაახლოვა.”