დღეს, ხვიჩა კვარაცხელიასთან ერთად, დაბადების დღე კიდევ ერთ ეროვნული ნაკრების ფეხბურთელს, თორნიკე ოქრიაშვილს აქვს, რომელიც 31 წლის გახდა.
თორნიკე ოქრიაშვილი საქართველოს ნაკრებში 2010 წლიდან თამაშობს. ამ დროში, მან 50 მატჩი გამართა, 13 გოლი გაიტანა და 3 საგოლე პასი მიითვალა.
აღსანიშნავია, რომ ამ მაჩვენებლებით ოქრიაშვილი ეროვნული გუნდის ბომბარდირთა დავის მე-4 პოზიციას იკავებს. მას მხოლოდ ალექსანდრე იაშვილი (14), თემურ ქეცბაია (17) და შოთა არველაძე (27) უსწრებენ.
ცნობისთვის, ამ ეტაპზე თორნიკე ოქრიაშვილი უგუნდოდაა, თუმცა ქართულ მედიაში იწერება, რომ ის და გაგრა მოლაპარაკებებს აწარმოებენ.