დღეს, 19:15-ზე ესპანეთის ჩემპიონატის მე-20 ტურში გიორგი მამარდაშვილის ვალენსია კატალონიურ ჟირონას ესტუმრება.
როგორც მივეჩვიეთ, ვალენსიელთა კარს ისევ ქართველი მეკარე დაიცავს, რომელიც ვორომ კვლავ ძირითად შემადგენლობაში დააყენა.
აქვე გეტყვით, რომ "ღამურები" ლა ლიგის მე-16 პოზიციას 20 ქულით იკავებენ და გასავარდნ ზონას მხოლოდ ერთი ქულით უსწრებენ. რაც შეეხება ჟირონას, არც მათი საქმეა იდეალურად, რადგან კატალონიელებს ვალენსიაზე ერთით მეტი ქულა აქვთ.
სხვათაშორის, ვალენსიამ 2022/2023 წლების სეზონი ესპანეთის ჩემპიონატში სწორედ ჟირონასთან მატჩით გახსნა, რომელიც ჯერ კიდევ ჯენარო გატუზოს გუნდმა მინიმალური სხვაობით, 1:0 დაამარცხა. იმ შეხვედრაში გიორგი მამარდაშვილს ერთი მოგერიება ჰქონდა.
იხილეთ საყურებელი გვერდების ფოტოები