შემოგვიერთდით

"ხვიჩა კონტრაქტს გაახანგრძლივებს, თუმცა ლოსანო და ჟიელინსკი.." | Calcionapoli

3-02-2023, 20:00

Aa Aa

გაზიარება:

რამდენიმე საათის წინ, Calcionapoli-მ დაწერა, რომ გარკვეულ მოთამაშეებთან დაკავშირებით საკონტრაქტო სიახლეებია. ამავე წყაროს მიხედვით, მათ შორისაა ხვიჩა კვარაცხელიაც:

"კიმისთვის სახელფასო პუნქტი აუცილებლად დარეგულირდება, რადგან თავად მოთამაშეს სურს, რომ ნაპოლიში დარჩეს. რაც შეეხება ირვინგ ლოსანოსა და პიოტრ ჟიელინსკის, მათ შემთხვევაში უნდა დავაკვირდეთ, რადგან ახლა არავის სურს, რომ ეკონომიკური საკითხი უმნიშვნელოდ აქციოს."

"ხვიჩა კვარაცხელია ნეაპოლში სეზონის ბოლომდე გარანტირებულად დარჩება, რადგან მისთვის კონტრაქტის დეტალები მისაღებია. ამ ბიჭსა და მის გარემოცვას სურთ, რომ დე ლაურენტისთან საქმიანობა გააგრძელონ." - წერს ნეაპოლური ვებგვერდი.

შეგახსენებთ, რომ ქართველი ფეხბურთელის ამჟამინდელი კონტრაქტი 2027 წლის 30 ივნისამდეა გაფორმებული, მისი სატრანსფერო ღირებულება კი 60 მილიონი ევრო გახლავთ.