“ფეჰერვარის” მთავარმა მწვრთნელმა, ჰუსტი შაბოლჩმა ბუდუ ზივზივაძეზე ისაუბრა. უნგრელ სპეციალისტს კლუბის სამომავლო გეგმებზე ჰკითხეს.
”ზივზივაძე არასწორად მოიქცა და ეს მიუღებელია. მან კლუბი უნდა დატოვოს და ველით, რომ მომავალში ჩვენთან ერთად არ იქნება. ვითარების შეცვლა გვსურს და შესაძლოა, იგი მომდევნო დღეებში წავიდეს.”
შეგახსენებთ, რომ “ფეჰერვარმა”ზივზივაძის გაშვება “უიპეშტთან” მატჩის შემდეგ განვითარებული მოვლენების გამო გადაწყვიტა. ქართველმა შემტევმა “უიპეშტის” ფეხბურთელს მაისური გაუცვალა და სტადიონის დატოვებისას კი მეტოქის მაისური ეცვა.