ნაპოლისა და იუვენტუსის დაპირისპირების დასრულების შემდეგ, ინტერნეტი აფეთქდა და ყველა ხვიჩა კვარაცხელიას საოცარ თამაშზე საუბრობს.
სწორედ ასე, ქართველის დღევანდელ თამაშს იტალიელი ჟურნალისტი, ანჯელო მანჯიანტე აფასებს, რომელმაც ქართველი შემტევი იოჰან კრუიფს შეადარა:
"ხვიჩა კვარაცხელიას შესრულებული მეორე საგოლე პასი, ეს კარგად დაინახეთ? - კვარაცხელიას საოცარმა გადაცემამ იოჰან კრუიფი გამახსენა. ამას, უბრალოდ ელეგანტურობა და კლასი ჰქვია, ეს ბიჭი ბრწყინვალეა." - თქვა იტალიელმა ჟურნალისტმა.
ცნობისთვის, "პარტენოპეი" იტალიის ჩემპიონატის პირველ ადგილს 47 ქულით იკავებს და სპალეტის ბიჭები მომდევნო შეხვედრას 18 იანვარს, კოპა იტალიაზე კრემონეზეს წინააღმდეგ გამართავენ.