უსახური "ბარსა", სენსაცია და 4 პენალტი ტაიმში - ლიგა დაიწყო! » SPORTLINE.GE - სპორტის ხაზი

უსახური "ბარსა", სენსაცია და 4 პენალტი ტაიმში - ლიგა დაიწყო!

უსახური "ბარსა", სენსაცია და 4 პენალტი ტაიმში - ლიგა დაიწყო!
15-09-2021, 10:05
Aa Aa
გაზიარება:

გილოცავთ ყველა ფეხბურთის გულშემატკივარს! ჩემპიონთა ლიგა დაიწყო! 

სამთვიანი პაუზის შემდეგ, ჩემპიონთა ლიგა ძალიან ბევრი მატჩით დაგვიბრუნდა. გუშინ, 14 სექტემბერს, პირველი ტურის მატჩები გაიმართა ჯგუფების ნაწილში.

საერთო ჯამში 8 მატჩში ვიხილეთ 16 გოლი, რაც ბევრი ნამდვილად არ არის. ასევე გაძევებული 4 მოთამაშეც ვნახეთ და აი, ეს კი ნამდვილად ბევრია.

ამ სტატიაში, მოდით, გავაკეთებ აქცენტს რამდენიმე მატჩზე, რომელმაც ლიგის დაბრუნება ერთი-ორად გაგვიხალისა და გვანახა, რომ ეს ძალიან მაგარი ტურნირია.

არ ჩაივლის სტატია ისე, რომ არ აღვნიშნოთ "სევილიისა" და "ზალცბურგის" დაპირისპირება, სადაც პირველ ტაიმში, ბელორუსმა მსაჯმა, კულბაკოვმა, ოთხი 11-მეტრიანი დანიშნა, აქედან სამი სევილიას კარში. ავსტრიელებმა მხოლოდ 1 გამოიყენეს. საერთო ჯამში 10 ბარათი უჩვენა მსაჯმა ფეხბურთელებს და სევილიელებს ენ ნესირიც გაუძევა. მატჩი კი ფრედ, 1:1 დასრულდა.


ამ თამაშის გარდა ადრეული გახლდათ შვეიცარიელი მესაათებისა და წითელი ეშმაკებიც დაპირისპირებაც. "მანჩესტერი" უპირობო ფავორიტი იყო და ამას ამართლებდა კიდეც. მე-13 წუთზე რონალდომ ანგარიში გახსნა ბრუნოს პასით. ამას ინგლისელთა უპირატესობის ზრდაც ემატებოდა, თუმცა ყველაფერი კი 35-ე წუთიდან შეიცვალა, როდესაც ვან ბისაკამ ძალიან უხეშად იმოქმედა, რის გამოც გააძევეს მოედნიდან. შვეიცარიელებმა ანგარიშიც გაათანაბრეს 66-ე წუთზე, ხოლო 95-ზე კი ზღაპრულად მოიგეს სიებატჩუს გოლით ლინგარდის საშინელი შეცდომის შემდეგ და ლიგა 3 ქულით დაიწყეს, "მანჩესტერი" შოკშია!


ბოლო მატჩზეც ვისაუბროთ და მოდით, ყველაზე დეტალურად, წესით ყველაზე დაძაბული და კარგი მატჩი უნდა გამოსულიყო... წინასწარ განწირული "ბარსელონა" "ბაიერნს", რომ უპირისპირდებოდა რა ეგონა. რა ეგონათ კატალონიელებს შეტევაში მხოლოდ ლუუკ დე იონგის იმედად, რომ იყვნენ, რომელსაც საერთოდ არაფერი გაუკეთებია. გაუშვეს გრიზმანი, მესი, მესმის, ეს საჭირო იყო, თუმცა გამოჩნდა, რომ "ბარსელონას" ძლიერება აღარ აქვს. ტრამვირებულები ბლომად არიან, რაც ბოლო წლებია მთელი მსოფლიოს პრობლემაა, თუმცა სხვები ძლიერები მაინც არიან. ესპანელები დაღუპა წლების განმავლობაში გატარებულმა საშინელმა პოლიტიკამ, რისი შედეგსაც ლაპორტა და გუნდი, სამწუხაროდ, ახლა იმკის. "ბაიერნმა" უშანსოდ მოუგო "ბარსელონას", ანგარიშით 0:3. არანაირი ბრძოლა, არააირი თავდადება და არანაირი საგოლე შანსი - ეს იყო "ბარსელონას" ფეხბურთი გუშინ, ცენტრალურ შეხვედრაში. გუნდს კარში ერთხელაც არ დაურტყამს და მოკლედ, "ბარსელონა" ჯერ-ჯერობით ჩაძირულია.


ეს გახლდათ პირველი დღის მცირე მიმოხილვა და ვიმედოვნებ მეორე დღეც მოგვცემს იმის საშუალებას, რომ ვისაუბროთ ბევრი და განვიხილოთ, თუ ვინ როგორ ითამაშა, ხოლო, რომელ გუნდს რა სჭირდება წარმატებისათვის. მატჩების ისევ 20:45-ზე და 23:00-ზე დაიწყება.

კომენტარის დამატება
კოდის განახლება
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.


დღის ხაზი