მას შემდეგ, რაც ინტერმა ნაპოლის დამარცხება შეძლო, "ნერაძურის" გულშემატკივრები სკუდეტოსთვის ბრძოლაში იმედიანად განეწყვნენ.
მიუხედავად 2023 წლის იდეალურად დაწყებისა, სიმონე ინძაგის ბიჭებმა 7 იანვარს მონცას სტუმრად დამარცხება ვერ შეძლეს, დაგეგმილი სამი ქულიდან მხოლოდ ერთი აიღეს და სახლში გაწბილებულები დაბრუნდნენ.
აღსანიშნავია, რომ მატჩის დასრულების შემდეგ, მონცას ფეხბურთელმა, არმანდო იცომ ინსტაგრამზე პირდაპირი ეთერი ჩართო, რომლის დროსაც წამოიყვირა - FORZA NAPOLI! - იხილეთ ვიდეო.
ცხადია, ამ საქციელმა ინტერის გულშემატკივრები ძალიან გააბრაზა, თუმცა, ცნობისთვის, შეგახსენებთ, რომ არამანდო იცო სწორედ ნეაპოლური გუნდის აღზრდილია.