შემოგვიერთდით

შერმადინმა იფრინა | გიორგი ესპანეთის ტურის საუკეთესოდ დასახელდა!

9-01-2023, 17:30

Aa Aa

გაზიარება:

გუშინ, ესპანეთის საკალათბურთო ჩემპიონატის მე-15 ტურის შეხვედრა გიორგი შერმადინის ტენერიფესა და უნიკახას შორის გაიმართა.

აღნიშნული დაპირისპირება ქართველი კალათბურთელის გუნდის გამარჯვებით დასრულდა - 91:84. საგულისხმოა, რომ შერმადინი მატჩში ყველასგან გამორჩეული იყო: ქართველმა ნახევარ საათში 25 ქულა, 7 მოხსნა, 1 დაფარება და 2 შედეგიანი გადაცემა მიითვალა.

ცხადია, მსგავსი შეხვედრის შემდეგ, გიორგი შერმადინი გამოხმაურების გარეშე არ დარჩენილა. სასიხარულოა, რომ ლიგა ენდესას ოფიციალურმა ვებგვერდმა გიორგი შერმადინი ტურის საუკეთესო კალათბურთელად დაასახელა!

გიორგი შერმადინი ტურის საუკეთესოდ დაასახელეს

შეგახსენებთ, რომ "შერმინატორის" გუნდი ესპანეთის ჩემპიონატის მე-4 ადგილს იკავებს და მომდევნო შეხვედრას 14 იანვარს, ბასკეტ სარაგოსას წინააღმდეგ გამართავს.