მსოფლიო ჩემპიონატის ფინალურ ეტაპზე, არგენტინა საფრანგეთს დაუპირისპირდა და გამარჯვება პენალტების სერიაში მოიპოვა.
შეხვედრის დასრულების შემდეგ, ფრანგული მედია აქტიურად ამტკიცებდა, რომ არგენტინელთა მესამე გოლი გასაუქმებელი იყო, რადგან, იქამდე, სანამ ლეო მესი ბურთს კარში გადაგზავნიდა, არგენტინელების სათადარიგო სკამიდან მინიმუმ ერთი მოთამაშე მოედნის ფარგლებში იმყოფებოდა, რაც ფეხბურთის წესების დარღვევაა.
ჯერჯერობით ფიფას ამის თაობაზე ოფიციალური განცხადება არ გაუკეთებია, თუმცა, სოციალურ ქსელში გავრცელებული ფოტოებიდან როგორც ჩანს, ერთ-ერთი არგენტინელი დარტყმის მომენტში მოედანზე მართლაც იმყოფებოდა.