მცირედით იმარჯვეს - ბუდუ ზივზივაძის "ჰაიდენჰაიმი" ბუნდესლიგაში დარჩა

27-05-2025, 01:53

Aa Aa

გაზიარება:

ბუნდესლიგის პლეი-ოფის საპასუხო მატჩში ბუდუ ზივზივაძის "ჰაიდენჰაიმმა" გასვლაზე 2:1 დაამარცხა "ელვერსბერგი" და უმაღლეს დივიზიონში ადგილი შეინარჩუნა!

პირველი შეხვედრაში "ჰაიდენჰაიმი" შინ 0:2-ს აგებდა, თუმცა თამაშის გადარჩენა მაინც შეძლო და საბოლოოდ ანგარიში 2:2 დააფიქსირა.

ზივზივაძე მატჩს სათადარიგოთა სკამიდან შეხვდა.

მარვინ პირინგერის ტრავმის შემდეგ, მინდორზე 23-ე წუთზე გამოჩნდა. საბოლოო შეტევა კი სწორედ ბუდუს აქტიურობით დაიწყო, რაც გადამწყვეტი აღმოჩნდა!

90+5-ე წუთზე ბუდუ ზივზივაძემ შეტევა წამოიწყო, რომლის დასასრულშიც ლეო სკიენზამ გამარჯვების გოლი გაიტანა – 1:2.

"ჰაიდენჰაიმი" ბუნდესლიგაში რჩება, ხოლო ბუდუ ზივზივაძე კიდევ ერთხელ ამტკიცებს, რომ გადამწყვეტი მომენტებისთვის მზადაა.