კულუშევსკისთვის სეზონი დასრულებულია - ტოტენჰემს ფინალში შემტევი გამოაკლდა

გუშინ, 17:33

Aa Aa

გაზიარება:

ლონდონის „ტოტენჰემი“ უეფას ევროპა ლიგის ფინალს სერიოზული დანაკლისით ხვდება — გუნდის ერთ-ერთი ლიდერი, დეიან კულუშევსკი, ტრავმის გამო გადამწყვეტ შეხვედრას გამოტოვებს. შვედმა ფეხბურთელმა „კრისტალ პალასთან“ გამართულ მატჩში მუხლის მძიმე დაზიანება მიიღო, რის გამოც სარეაბილიტაციოდ ქირურგიული ჩარევა გახდა საჭირო.

კლუბის ექიმების განცხადებით, ზუსტი ვადები ჯერ არ არის განსაზღვრული, თუმცა არსებული პროგნოზებით, კულუშევსკის სეზონი დასრულებულია და მას მოედანს დაბრუნება მხოლოდ ზაფხულის შემდეგ შეეძლება.

კულუშევსკიმ მიმდინარე სეზონში „ტოტენჰემის“ მაისურით ყველა ტურნირზე 50 შეხვედრაში მიიღო მონაწილეობა და 10 გოლის გატანაც მოახერხა.

ცნობისთვის, ევროპა ლიგის ფინალი 21 მაისს გაიმართება, სადაც „ტოტენჰემი“ „მანჩესტერ იუნაიტედს“ დაუპირისპირდება.