შემოგვიერთდით

10-თვიანი პაუზის შემდეგ - ლაშა ბექაური ტატამზე ბრუნდება

გუშინ, 10:41

Aa Aa

გაზიარება:

საქართველოს ძიუდოს გუნდის ერთ-ერთი გამორჩეული წარმომადგენელი, ორგზის ოლიმპიური ჩემპიონი ლაშა ბექაური, თითქმის 10-თვიანი შესვენების შემდეგ კვლავ შეჯიბრებაზე დაბრუნებას გეგმავს. ბექაური მონაწილეობას მიიღებს ევროპის ღია პირველობაში, რომელიც 17-18 მაისს ესპანეთში გაიმართება.

ტურნირის ფარგლებში ლაშა ბექაური ტრადიციულად 90 კილოგრამ წონით კატეგორიაში იჭიდავებს. მისი გამოსვლა მეორე საშეჯიბრო დღეს, 18 მაისსაა დაგეგმილი.

შეგახსენებთ, რომ ბექაურმა ბოლოს პარიზის ოლიმპიადაზე იასპარეზა, სადაც ფინალურ შეხვედრაში იაპონელ მეტოქეს, სანშირო მურაოს აჯობა და ოლიმპიური ოქროს მედალი მეორედ მოიპოვა. ამ წარმატებით ის ქართული ძიუდოს ისტორიაში პირველი ორგზის ოლიმპიური ჩემპიონი გახდა.

ბექაურის დაბრუნება ქართულ სპორტულ საზოგადოებაში დიდი მოლოდინით განიხილება და გულშემატკივრები იმედოვნებენ, რომ ის კვლავ შეძლებს მაღალი შედეგების დაფიქსირებას საერთაშორისო არენაზე.