"ინტერი მსოფლიოში ერთ-ერთი საუკეთესო გუნდია" - კვარა ფინალისთვის ემზადება

"პარი სენ-ჟერმენის" ქართველმა შემტევმა, ხვიჩა კვარაცხელიამ, ჩემპიონთა ლიგის ფინალის წინ, რომელიც თვეის ბოლოს მიუნხენში გაიმართება, "ინტერი" შეაქო.

Amazon Prime Video-სთვის მიცემულ განცხადებაში, ქართველი ფეხბურთელი "ნერაძურის" მსოფლიოს ერთ-ერთ საუკეთესო გუნდად მოიხსენიებს და აღნიშნავს, რომ ისინი დამსახურებულად მივიდნენ ფინალამდე.

"ინტერმა" ფინალში გასვლა "ფეიენოორდის", "ბაიერნისა" და "ბარსელონას" დამარცხებით შეძლო.

თავის მხრივ, "პსჟ-მ" მიუნხენამდე გზა "ლივერპულის", "ასტონ ვილასა" და "არსენალის" წინააღმდეგ გამარჯვებით გაიკვალა.

კვარაცხელია, რომელიც იანვრის სატრანსფერო ფანჯარაზე "ნაპოლიდან" შეუერთდა პარიზელებს, სერია A-ში "ინტერის“ წინააღმდეგ თამაშის გამოცდილებასაც ფლობს.

მიუხედავად იმისა, რომ გასულ სეზონში "ნაპოლისთან" ერთად სკუდეტო მოიპოვა, იგი აღიარებს, რომ "ინტერი" მუდამ რთული და ძლიერი მეტოქეა.

"ძალიან ბედნიერი ვარ, რომ ფინალში გავედით. ჩემთვის ეს ოცნების ასრულებაა" — განაცხადა 24 წლის ფეხბურთელმა.

"ყველაფერი ძალიან სწრაფად მოხდა"

ფინალთან დაკავშირებით მან აღნიშნა: "ეს ძალიან რთული მატჩი იქნება, რადგან "ინტერი" ფინალში ნამდვილად დამსახურებულად გავიდა.

"ჩვენ პატივს ვცემთ მათ — ეს მსოფლიოს ერთ-ერთი საუკეთესო გუნდია."

"ასევე ვართ ჩვენც. პსჟ-საც შეუძლია ჩემპიონთა ლიგის მოგება." - აღნიშნა კვარამ.