"არსენალს გაუმართლა, რომ პენალტი არ დაინიშნა" - რას ამბობს ყოფილი მსაჯი კვარას ეპიზოდზე

დღეს, 13:09

Aa Aa

გაზიარება:

ხვიჩა კვარაცხელიას პარი სენ-ჟერმენმა ჩემპიონთა ლიგის ნახევარფინალის პირველ შეხვედრაში არსენალს გასვლაზე 1:0 მოუგო, ქართველმა შემტევმა კი საგოლე გადაცემა გააკეთა.

გარდა გაკეთებული ასისტისა, კვარამ ერთ ეპიზოდში თავი სამ ფეხბურთელს შესანიშნავად დააღწია და საჯარიმოში ტიმბერის მოქაჩვის შემდეგ წაიქცა, თუმცა მსაჯმა ეპიზოდი პენალტად არ შეაფასა და თამაში გაგრძელდა.

აღნიშნულ ეპიზოდს ეხმაურება ყოფილი არბიტრი, კეიტ ჰაკეტი, რომელსაც მიაჩნია, რომ პენალტი უნდა დანიშნულიყო.

არსენალის მცველი (გულისხმობს ტიმბერს) საკმაოდ იღბლიანია, რომ ხელით მოქაჩვის ეპიზოდი VAR-ზე არ გადამოწდა. მომენტი რომ შეემოწმებინათ, გაჩნდებოდა კითხვა თუ რამდენად საკმარისი იყო შემტევის ხელით დაჭერა პენალტის დასანიშნად. არსენალს ძალიან გაუმართლა, რომ 11-მეტრიანით არ დაისაჯა.

- ამბობს ყოფილი რეფერი.