"ამ სიახლემ შოკში ჩამაგდო" - რუდი გარსიას განცხადება

ბელგიის ნაკრების მთავარმა მწვრთნელმა, რუდი გარსიამ, კომენტარი გააკეთა კევინ დე ბრუინის "მანჩესტერ სიტიდან" წასვლასთან დაკავშირებით. როგორც გარსია ამბობს, ამ ამბავმა შოკში ჩააგდო, რადგან დე ბრუინი, რომელიც კლუბში უკვე 10 წელია თამაშობს, დიდ გავლენას ახდენდა „სიტის“ წარმატებებზე.

„კლუბში 10 ბრწყინვალე სეზონის შემდეგ, კევინმა გადაწყვიტა „მანჩესტერ სიტი“ დატოვოს. ჩვენ გვჯერა, რომ ის მიიღებს საუკეთესო გადაწყვეტილებას თავისი მომავლისთვის. დე ბრუინს ჯერ კიდევ შეუძლია ითამაშოს ფეხბურთი უმაღლეს დონეზე და ბელგიის ნაკრებისთვის მსოფლიო ჩემპიონატზე ერთ-ერთი წამყვანი მოთამაშედ დარჩეს,“ — განაცხადა გარსიამ.

გარსია ასევე ისაუბრა იმის შესახებ, თუ სად შეიძლება გაგრძელდეს დე ბრუინის კარიერა: „სიმართლე გითხრათ, ეს ამბავი რომ გავიგე, ძალიან გავოცდი. სასიამოვნო იქნებოდა, რომ დე ბრუინი ევროპაში დარჩენილიყო, მაგალითად პრემიერლიგაში ან ლა ლიგაში. თუმცა, ამერიკის MLS-ში გადასვლასაც თავისი დადებითი და უარყოფითი მხარეებით აქვს. უარყოფითი ისაა, რომ დროის სხვაობა დიდ გავლენას მოახდენს, მაგრამ დადებითი მხარეები ისაა, რომ ამერიკაში ცხოვრება მისთვის და მისი ოჯახისათვის საინტერესო გამოცდილება იქნება.“