შემოგვიერთდით

კვარაცხელია ჩემპიონთა ლიგის მეოთხედფინალური ეტაპის სიმბოლურ გუნდშია

გუშინ, 14:54

Aa Aa

გაზიარება:

საქართველოს ეროვნული ნაკრებისა და საფრანგეთის გრანდი "პსჟ-ის" ერთ-ერთი გამორჩეული მოთამაშე, ხვიჩა კვარაცხელია, უეფას ჩემპიონთა ლიგის მეოთხედფინალის სიმბოლურ გუნდში მოხვდა.

პოპულარული საფეხბურთო სტატისტიკური პლატფორმა Flashscore-ის მიერ შედგენილ საუკეთესო თერთმეტეულში კვარაცხელია 7.7 ქულიანი საშუალო შეფასებით დასახელდა, რაც მის სტაბილურად მაღალი დონის ასპარეზობაზე მიანიშნებს.

ეს შეფასება მომზადებულია მეოთხედფინალის ორივე შეხვედრაში დაფიქსირებული ინდივიდუალური მაჩვენებლების ანალიზის საფუძველზე.

აღსანიშნავია, რომ სიმბოლური გუნდის ფორმირება არ არის მხოლოდ გატანილი გოლებისა და საგოლე გადაცემების მიხედვით – გათვალისწინებულია მოთამაშეთა აქტიურობა მოედანზე, შეტევისა და დაცვის ფაზაში ჩართულობა, ტექნიკური სიზუსტე და საერთო გავლენა თამაშის შედეგზე.

ორმატჩიან დუელში "პსჟ-მ" 5:4 იმარჯვა და ნახევარფინალში ლონდონურ "არსენალს" დაუპირისპირდება, რომელმაც, თავის მხრივ, მადრიდის "რეალის" ბარიერი გადალახა.