ახალი რეიტინგები გამოქვეყნდა - რომელ ადგილზეა მსოფლიოში საქართველოს ნაკრები

გუშინ, 14:26

Aa Aa

გაზიარება:

ფიფამ მსოფლიოს ახალი საფეხბურთო რეიტინგი გამოაქვეყნა, სადაც საქართველოს ეროვნულ ნაკრებს სომხეთთან ორმაგი გამარჯვებისთვის რამდენიმე ქულა დაემატა.

ახალი რეიტინგის მიხედვით, ვილი სანიოლის გუნდს კავკასიური დერბის მოგებისთვის ჯამში 10.84 ქულა დაემატა, თუმცა ჩვენი პოზიცია მაინც არ შეცვლილა. საქართველო კვლავ მსოფლიოს 68-ე ნაკრებია.

აქვე გეტყვით, რომ ცვლილებები შეეხო ესპანეთს, თურქეთს და ბულგარეთს, ნაკრებებს, რომლებთანაც თამაში მსოფლიოს 2026 წლის საკვალიფიკაციო ეტაპზე მოგვიწევს.

ესპანელები ერთი საფეხურით დაწინაურდნენ და ახლა მე-2 ადგილზე არიან. თურქეთი ახალი რეიტინგით 27-ე ნაკრებია, ბულგარეთი კი 85-ე პოზიციას იკავებს.