"დე იონგი 100%-ით მზად არ არის" - ფლიკმა ნიდერლანდელის სათამაშო ფორმაზე ისაუბრა

27-11-2024, 16:55

Aa Aa

გაზიარება:

რამდენიმე დღის წინ, ბარსელონას და ნიდერლანდების ნაკრების ნახევარმცველმა ფრენკ დე იონგმა ტრავმიდან დაბრუნების შემდეგ სათამაშო დროის სიმცირეზე ისაუბრა.

"თამაშის დროს ტრავმისგან დატოვებული შეგრძნებები კვლავ მაქვს. მოედანზე ნდობა უნდა დავიბრუნო და ვიცოდი, რომ ასეც იქნებოდა - ამიერიდან თამაში უნდა გავაუმჯობესო", - განაცხადა ფრენკმა.

მოგვიანებით, კომენტარი კატალონიელთა მთავარმა მწვრთნელმა, ჰანს ფლიკმაც გააკეთა და აღნიშნა, რომ დე იონგი 100%-ით მზად არ არის.

"ფრენკი ბევრს მუშაობს, ის ჯერ 100%-ით სასურველ ფორმაში არ არის, მაგრამ დარწმუნებული ვარ, მალე ძველებურ ფორმას დაიბრუნებს - ეს ჩვენი საქმეა", - დაამატა ფლიკმა.