'ვამაყობ ჩემი გუნდით' - შენგელიას, ზუროსის და გიორგი შერმადინის კომენტარები ისლანდიასთან მატჩის შემდეგ

საქართველოს საკალათბურთო ნაკრებმა მსოფლიოს 2023 წლის ჩემპიონატის შესარჩევი ეტაპის მორიგი შეხვედრა ისლანდიასთან გამართა და დრამატულ ბრძოლაში, ანგარიშით 85:88 იმარჯვა.

აღსანიშანავია, რომ ამ მოგებით ილია ზუროსის შეგირდებმა გადადგეს უმნიშვნელოვანესი ნაბიჯი იმისათვის, რომ ითამაშონ 2023 წლის მსოფლიო ჩემპიონატზე, რომელიც იაპონიაში იმართება.

ისლანდიასთან გამარჯვების შემდეგ მედიასთან კომენტარი გუნდის კაპიტანმა, თორნიკე შენგელიამ ; მთავარმა მწვრთნელმა, ილია ზუროსმა და გიორგი შერმადინმა გააკეთეს.

თორნიკე შენგელია - "ძალიან მნიშვნელოვანი გამარჯვება მოვიპოვეთ. მინდა მივოლუცო ჩემს გუნდს და მათ მადლობა გადავუხადო იმ შრომისთვის, თავდადებისთვის, რაც ისლანდიასთან მატჩში დაგვანახეს. დიდი მადლობა დარბაზში მოსულ ქომაგს და დიდი მადლობა იმ ადამიანებს, რომლებიც ტელევიზორებთან იყვნენ და ისე გვამხნევებდნენ. ეს მოგება უმნიშვნელოვანესი იყო, მაგრამ ეს გარანტიას არ გვაძლევს, რომ მსოფლიოს ჩემპიონატზე გავალთ. წინ კიდევ რთული მატჩებია, იტალიასთან შეხვედრა გველის. იმედი მაქვს, რომ დარბაზი გაივსება და იტალიასთანაც მოვიგებთ."