სულ ცოტა ხნის წინ დასრულდა ნიკოლოზ ბასილაშვილისა და ანტუან ჰოანგს შორის გამართული დაპირისპირება, რომელიც ქართველმა ჩოგბურთელმა 3 სეტში (7:6, 4:6, 6:2) მოიგო.
აღნიშნული დაპირისპირება ჩელენჯერის სერიის ტურნირზე გაიმართა, სადაც ნიკოლოზმა ფრანგი მეტოქე 1/16 ფინალში თანაბარ ბრძოლაში დაამარცხა. დაპირისპირება 2 საათსა და 25 წუთს გაგრძელდა.
ცნობილია თუ ვინ შეხვდება 1/8 ფინალში ქართველ სპორტსმენს. ის, კიდევ ერთი ფრანგი, ამჯერად მატიას ბურჟეა, რომელიც მსოფლიოს 361-ე ჩოგანია და ნიკოლოზ ბასილაშვილს მასთან შეხვედრა არასდროს გაუმართავს.
იმ შემთხვევაში, თუ ნიკოლოზ ბასილაშვილი მომდევნო მეტოქესაც დაამარცხებს, 1/4 ფინალში უგო გასტონსა და ვალენტინ როიეს წყვილში გამარჯვებულს შეხვდება. რაც შეეხება ფრანგული ჩელენჯერის გამარჯვებულს, ის 100 სარეიტინგო ქულას მიიღებს და 12 250 ევროთიც დაჯილდოვდება.