საქართველოს ნაკრები ამხანაგურ მატჩს მონტენეგროსთან ჩაატარებს - სად შეგეძლებათ მატჩის ხილვა

9-06-2024, 18:50

Aa Aa

გაზიარება:

დღეს, საქართველოს ეროვნული ნაკრები მონტენეგროს ნაკრებს დაუპირისპირდება. მატჩი პოდგორიცას სტადიონზე გაიმართება.

ჩვენმა გუნდმა ავსტრიაში საწვრთნელი შეკრება დაასრულა, 8 ივნისს გაინბერგში ივარჯიშა და მონტენეგროში გაემგზავრა, სადაც ევროპის ჩემპიონატამდე ერთადერთ ამხანაგურ შეხვედრას ჩაატარებს.

ამ შეხვედრის ხილვა, საქართველოს პირველი არხის პირდაპირ ეთერში, 22:45 საათზე შეგეძლებათ.

აქვე გეტყვით იმასაც, რომ ამ მატჩის შემდეგ, "ჯვაროსნები" გერმანიაში გაემგზავრებიან, სადაც ისტორიაში პირველი ევროპის ჩემპიონატის მატჩის ჩასატარებლად მოემზადებიან.

ჩვენი ბიჭები 18 ივნისს, სიგნალ იდუნა პარკზე, თურქეთის ნაკრებს დაუპირისპირდებიან.